ياللى عايزين تتجوزوا ...............................
و ياسلااااااااااااااام كمان لو اللى عايزين يتجوزوا عن ((حب)).....
الحبيبات المخلصات ....
الزوجات اللى اتجوزوا عن حب ....
كل واحده بتدى ومش مستنية اكتر من اللى بتديه......
كل واحده بتصدق حبيبها أو جوزها فى كل -الكذب -قصدى الكلام وبتقول :آمين.....
كل حبيبة وزوجة بتتقى الله فى جوزها ونفسها هو كمان يتبع نفس الطريقة.....
كل واحده ضيقت عدسة عينيها علشان ماتشوفش غيره ولا تنشغل عنه......
كل واحده حبت واتجرحت أتجرحت قوى ....قوى ......
لما حبيبها -بلاش أسميه جوزها -عارفين ليه بلاش جوزها ؟؟؟؟؟؟؟؟؟ لأن الزوج يتزعل منه ....اما الحبيب تتجرح منه
وجرحه صعب يتداوى خصوصاً لما يتكرر ويتكرر ويتكرر .......
كل واحده أتوعدت بوعوووووووووووووووود وماحصلتش ......
وكل واحده نامت وغمضت عينيها مطمئنه وصحيت على ألمممممممممممممممممممممممممممممممممممممممم بيوجع قوى...
كل واحده مش عارفه تعمل أيه وتعالج جرحها أزاى ؟؟؟؟؟
كل واحده عارفه تعمل ايه وتعالج جروحنا ازاى ؟؟؟؟؟؟؟
الرجاله الجامده قوى ...
اللى شايفين نفسهم قوى ....
الرجاله الحبيبه -بتشديد الباء- بره البيت
الرجاله المحترمه ...المحترمه قوى .. وبتحب مراتاتها قوى .. وبتحترم بيتها واولادها قوى .. وومش مخلليينهم عايزين اى حاجه اى حاجه .. - دى مش تريقة -إلا(( حاجه واحده)) ..........
ألا وهى :
بطارية الحب .....
الميه اللى بترويه ....
الشمسية اللى بتحميه من الشمس والمطر و... و...
الملح اللى بدونه ممكن نأكل الأكل بس هايبقى طعمه عاددددددددددددددددددددددمم وماسسسسسسسسسسسسسسسسسسسخ
هو ايه ؟؟؟؟؟؟؟
قصرى ....لخصى .....أنجزى...
هو
الإخلاص
الصدق
الشفافية
الصداقة
عدم الخيانة
سموها زى ما انتوا عايزين حطوا معاهم كل اللى محتاجينة وشايفينه مهم ومفتقدينه بس المهم محدش يقول الكلمه المشهوره
((ماهو مفيش حد كامل))
من الأخر أنا عايزه أقوللكم على الملخص اللى بيتلخص فى سطور..... واللى بيتحس فى سنيييييييييييين ..............
وبيتعالج مش عارفه فى قد ايه ..... ولا إزاى؟؟؟؟
**أنا حبيت وحبيت قوى قوى وعشت قصة حب زى ماالكتاب بيقول بالطول وبالعرض وكنا كاتبين الكتاب فكانت الدنيا بمببي
وجمييييييله وكنت بالنسبة له حلم ودفا وعشق وقصة حب وياما كتب فيا أشعار وأنثار -جمع نثر-وياما جمعتنا مغامرات كتتان وهروب من عينين الناس الى حيث مايلاقيناش حد ...
كنت الوحيده اللى مابيخبيش عنها اى حاجه حتى كل نقط ضعفه وقوته
كنت ومازلت الوحيده اللى بتفهمه ....الوحيده اللى تعرف تقرا خطه...الوحيده اللى عارفه رد فعله ....الوحيده اللى عارفه بيفكر ازاى .....الوحيده اللى مش قادره أصدق انه ممكن يكذب عليا فى يوم ...
هو شخص مميز جداً.... مختلف جداً .....حنين جداً .....كريم جداً .....ملول جداً .....محترم جداً.... بأحبه جداً جداً
10 سنين حبى له ولهفتى عليه ودرجة حرارة مشاعرى وإهتمامى بيه زى ماهما .وإهتمامى بنفسى زى ماهو يمكن اكتر كمان .
ومن 4 سنين ........وأنا بأصحى على علاقة ورا التانية .... شخصية ورا التانية .....أسم ورا التانى .
ومن سنة ......و انا بأصحى على فكرة جواز تانى ورا التانية .....
زى ما أنتوا أتصدمتوا من النقله دى انا كمان أتصدمت وما زلت.... وأتجرحت ومازلت .....وأتوعدت وما زلت.....
واتخنت وما زلت....... واتكدب عليا وما زلت ........ واتصالحت بأحلى الطرق وما زلت ........و بطارية حبى فضيت وبأحاول اشحنها ومازلت .....
**وشرائح الشخصيات النسائية بأسماء من عرفت ومن لم اعرف تتراقص امام عينى .....
**وكل الكلمات الخاصة جداً الحلوة جداً التى قيلت وتقال لى أسمعه فى تصورى -الحقيقى-يهمس بها بصوته لإحداهن .......
**وكل اللمسات الدافئة الرقيقة التى تذيبنى أشعر بها على يد أحداهن......
**وكل مقاطع الاغانى والأشعار التى تصف اللهفة والحب التى اريد ان أهديها له يزدحم بها موبايله من أحداهن......
**أما عن smsالشوق فأصبحت أحدى محتويات ال in box لديه........
**الكرسى المجاور له فى العربية عندما أركب معه أشعر بمن كانت تجلس عليه .......
**كل الأسباب للتاخير ولعدم الرد على الموبايل وللحجج الواهية للخروج و... و.... و...
**الهديه اللى أكتشفتها بالصدفه ف عيد ميلاده ....بعد ماأوهمنى انه يا حراام محدش عبره برسالة ....
**الsmsاللى كان بيبعتها لواحده منهم فى وقت كنا زعلانين من بعض فيه بنفس السبب ...بتوجع عينى كل ما أفتكرها......
**صوت واحده على موبايله غلط مره وردت عليه بيصيبنى بالصمم كل ما بأفتكره.....
**رؤيتى لعربيته راكنه قرب البيت وهو هيمان فى الموبايل بتخللينى انسى شكل العربية وأقول مش هى ......
**سؤاله لى وهو بره البيت أنتى فين دلوقتى بالظبط-علشان يخللى باله من المكان اللى هايعدى منه لحسن اشوفه بيخللينى بأكره صدقى وشفافيتى فى الرد عليه .....
**الأدله اللى كانت تؤكد انه فى مكان وهو يؤكد انه فى مكان تانى خاااااالص بتخلينى مابأصدقش منه ولا كلمه......
**فاتورة شراء من محل أثاث مشهور بأسمه على عنوان غريب وحجته انها فرش لشقة واحد صاحبه بتحسسنى بحاجات وحشه قوى......
**الدبله اللى لقيته مخبيها فى العربيه خللتنى أأقرف من أيدى انها تلمس ايديه.....
**الشقة الدافيه قوى اللى فارشها شيك قوى وقريبة من بيتى قوى خللتنى احزن على شقتى اللى حسيت بالبروده اللى هبت عليها من الشقة دى......
وأفتكرت احاسيسى ولهفتى واحنا بنختار فرش بيتنا حته حته واللى جبناه على كذا سنة بحب قوى وتركيز قوى واحساس قوى وتخيلته وهو بيحس ده تانى بس مع غيرى .....
**الشخصية اللى كانت هاتعيش فى الشقة دى معاه ..........................................
اتوجعت قوى ............................ واتجرحت قوى...............واتكسرت قوى ...............
حلف لى باللا عوده بعد كل مرة اكتشفت فيها حاجه ... وأعتذر بكل الطرق
واستعملت كل الطرق ....وكل الأساليب ..... وصدقت كل الاكاذيب لأنى مبحبش الكذب ومش شايفة مبرر لكل اللى بيعمله ولا هو كمان بإعترافه الشخصى واعتراف الجميع ...........
وكل مره يحلف لى انها اخر مره... وكل مره يقوللى ساعدينى مش عارف اتغير ... وكل مره يقوللى خلاص رميتى طوبتى؟؟
وكل مره يقوللى مبحبش ولا حبيت ولا ها احب حد غيرك.... وكل مره يوعدنى بالتغيير .......وكل مره يقوللى ان ده ضغوط من الشغل والزهق ... وكل مره يقول ويقول ويقول لحد ما انا أتغيرت من جوه من ناحيته قوى قوى ومن بره كمان بقى سهل عليا انى اتخللى عنه ....انى اقول له :بالله عليك سيبنى فى حالى ...وابعد عنى ...خللينى اعرف أدى طاقتى المهدره دى لأولادى......
ثم عاد .............وجرحنى ..........وعاد ............وكسرنى ............. وعاد وهدمنى ...................ثم عاد وقتلنى
لم يعد بيننا أى ثقة.... ولا أى أمل ....ولا اى صداقة ....ترمومتر الحب مابقاش يقرا أى ارتفاع فى درجة الحرارة...
لم تعد يدى ترتجف عندما يلمسها ......ولا أطرب لسماع رنته على موبايلى .........ولا اتلهف لإسعاده .........
وزى ما الحجار بيقول:
أبتدت تعلى الآهات والكلام زى السكات ....تهنا ونسينا الطريق وابتدا..... الإحساس يسافر واخد الاحلام معاه
انكسر جوانا شىء
انكسرت جوايا اشياء
لما بأبص فى المرايا اوقات كتيير مابأعرفنيش...هى دى أنا اللى بحب الحياة والضحك والإنطلاق والمغامرة والخروج والحب والمشاعر والصدق ؟؟؟؟انا اللى باحبه؟؟؟انا اللى باطير لما بيقوللى انا جاى فى السكة...
انا اتجوزت واتجرح قلبى ......علشان أنا معرفش اعيش من غير حب ولا قلب
واحده حبت واتجوزت واتخانت واتجرحت ............ وفيه زييى كتيييييييييييييييير .
